Teksa po luan në lojërat e Kupës së Amerikës me kombëtaren e tij, Leo Messi nuk ka pasur performanca edhe aq të mira individuale, por deri më tani ka arritur rezultate pozitive me skuadrën.
Argjentina mbrëmë triumfoi në ndeshjen kundër Venezuelës, me rezultatin 2:0, në ndeshjen që Messi nuk gjeti golin.
Disa komente për Leon së fundmi ka dhënë edhe ish trajneri i Barcelonës, Robert Moreno, i cili e ka konsideruar atë si më të mirin në histori, duke thënë se është sikur Matrix.
“Leo është më i miri i të gjitha kohërave. Nuk kam parë Pelen apo Maradonan duke luajtur, por Messi është i jashtëzakonshëm qoftë edhe vetëm në seancat stërvitore” ka thënë fillimisht Moreno për ‘Sport’, transmeton lajmi.net.
“Në aspektin e interpretimit të stilit të lojës së tij, me Luis Enrique, ne kemi bërë një krahasim, duke e krahasuar atë me Matrix. Është njësoj sikur skena ndalet, çdo gjë është në lëvizje të ngadalësuara, dhe ai pason topin” ka thënë tutje ai.
“Leo i sheh gjërat në atë mënyrë. Ai analizon dhe shikon se çfarë po ndodh, duke kërkua hapësirat për të pranuar topin dhe për tu përfshirë” ishin disa nga fjalët e Moreno.
Messi për synim kryesor do ta ketë triumfin me kombëtaren e Argjentinës, për të thyer një prej ‘bazave të kritikave’ të tij.
