Më i paguari - Bota Sot
Më i paguari

Sporti

Më i paguari

Më: 4 shtator 2019 Në ora: 12:05
Michael Jordan

Michael Jordan mbetet i pakonkurrueshëm edhe pse është tërhequr prej 16 vitesh nga basketbolli i luajtur.

Në moshën 56-vjeçare “fluturon” shumë lart sa u përket të ardhurave, duke lënë pas me një diferencë të frikshme “yjet” e sotëm të basketbollit, si LeBron James apo Kevin Durant.

Edhe për vitin 2019, “His Airness”, është njeriu më i paguar i NBA, sipas klasifikimit të Forbes, kushtuar marrëveshjeve të basketbollistëve dhe ish-basketbollistëve me sponsorët teknikë.

Merita është e atleteve “Air Jordan” të prodhuara nga Nike. Falë koleksioneve Air Jordan, ish-basketbollisti ka fituar këtë vit 130 milionë dollarë.

Siç shkruan Kurt Badenhausen në Forbes.com, të ardhurat globale të filialit Nike Jordan Brand arritën 3.14 miliardë dollarë në vitin fiskal që u mbyll në maj 2019, me një rritje +10% krahasuar me vitin 2018. Të ardhurat vjetore të Michael Jordan nga shitja e koleksioneve Air Jordan vlerësohen në 130 milionë dollarë (nga të ardhurat totale vjetore prej 145 milionë dollarësh).

Në vend të dytë të klasifikimit të Forbes është LeBron James, me “vetëm” 32 milionë dollarë. Siç shihet, është vështirë të arrish këto lartësi.

Kevin Durant, i cili ashtu si LeBron James, ka një marrëveshje sponsorizuese me Nike, renditet në vend të tretë (26 milionë dollarë në vitin 2019).

Në vend të katërt renditet Steph Curry, i cili ka një marrëveshje sponsorizuese me Under Armour. Adidas përfaqësohet me tre atletë në këtë klasifikim – James Harden (vendi i 6-të, 14 milionë dollarë); Derrick Rose (vendi i 11-të, 11 milionë dollarë) dhe Damian Lillard (vendi i 13-të, 10 milionë dollarë).

Klasifikimi i Forbes, 14 “yjet” më të pasur të NBA:

1. Michael Jordan (Jordan) $130 milionë

2. LeBron James (Nike) $32 milionë

3. Kevin Durant (Nike) $26 milionë

4. Stephen Curry (Under Armour) $20 milionë

5. Kobe Bryant (Nike) $16 milionë

6. James Harden (Adidas) $14 milionë

7. Zion Williamson (Jordan) $13 milionë

8. Dwyane Wade (Li-Ning) $12 milionë

9. Russell Westbrook (Jordan) $12 milionë

10. Kyrie Irving (Nike) $11 milionë

11. Derrick Rose (Adidas) $11 milionë

12. Giannis Antetokounmpo (Nike) $10 milionë

13. Damian Lillard (Adidas) $10 milionë

14. Klay Thompson (Anta) $9 milionë

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...