Njihet nga njerëzit që ka dhënë dhe po jep shumë në fushën e sportit. Është i pakompleksuar!
Është Skënder Ramadani, që para një viti e më tepër ka qenë kryetar i klubit të hendbollit Kastrioti nga Ferizaj (femrat), ndërsa sot nuk është pjesë e këtij kolektivi, shtatë herë kampion paslufte.
Ai kur e ka kohën e lirë shëtit maleve të Jezercit dhe madje kënaqësinë më të madhe e ndjen kur shëtitet me kali. Duket se në vitet e fundit po futen gjithnjë e më shumë në modë kuajt. Kohën e pandemisë më shumë Skënderi e ka kaluar duke lexuar por edhe ka synime që të kontribuojë edhe më shumë në sport pas pandemisë.
Dikur kryetar i klubit sportiv, sot përveç që punon në arsim, e do shumë natyrën dhe e respekton botën e kuajve.
