Van Basten: Zgjedhja e Seedorf, e rrezikshme - Bota Sot
Van Basten: Zgjedhja e Seedorf, e rrezikshme

Sporti

Van Basten: Zgjedhja e Seedorf, e rrezikshme

Më: 15 janar 2014 Në ora: 11:51

Ish sulmuesi Marco van Basten ngre pikëpyetje pas emërimit të Clarence Seedorf në krye të stolit të Milanit, duke e cilësuar këtë lëvizje si shumë të rrezikshme. Ish fituesi i “Topit të Artë” nuk duket i bindur se bashkëkombasi i tij është njeriu i duhur për të marrë drejtimin e skuadrës italiane.

“Ata zgjodhën Seedrof dhe kjo lëvizje ka kuptim në njëfarë mënyre por risku është shumë i lartë. Ndonjëherë nuk arrin të gjesh mënyrat e duhura për të zgjidhur situatat. Ky është thjesht mendimi im dhe unë mendoj se ata nuk morën vendimin e duhur”.

Në vijim, Van Basten sqaron edhe aspektet pozitive që ka ky vendim.

“Seedorf ka shumë influencë në Itali. Ai është një lojtar i suksesshëm dhe këto janë aspekte shumë të rëndësishme. Ndryshe nga unë, menjëherë pasi vari këpucët në gozhdë ai nisi punën si trajner”.

Marco Van Basten e veshi fanelën e skuadrës së Milanit gjatë periudhës 1987-1995. Ai u tërhoq nga futbolli për shkak të dëmtimeve të vazhdueshme që i dhanë fund edhe karrierës së tij.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...