Për shkak të dyshimeve për kryerjen e veprës penale “mashtrim” dhe “falsifikim të parave”, policia e Strugës ka ngritur padi penale ndaj A.R (69) nga Gjeorgjia.
Siç njoftojnë nga MPB, i padituri veprat i ka kryer më 7 nëntor 2017 në këmbimoren në rrugën “Marshall Tito” në Strugë.
“Ai të punësuarit në këmbimore i ka kërkuar të këmbej para në shumë prej 60 mijë eurove. Duke shfrytëzuar këtë, i padituri të punësuarit i ka kthyer kartëmonedhë të falsifikuar prej 500 eurove dhe më pas është larguar”, thonë nga MPB.
Ata shtojnë se po ndërmarrin masa për zbardhjen e plotë të rastit.
