Megjithatë më shumë të tjera po vinë. Foto të një versioni eksperimental të Gmail me përkujtues, grupe kategorish dhe mesazhe që fiksohen në krye janë publikuar.
Të tre veçoritë e lartpërmendura kanë qenë disa prej shumë funksioneve që e bënë Inbox të mrekullueshëm.
Gjithashtu një buton i cili i etiketon të gjitha mesazhet si të lexuara “Mark all as read” do të integrohet pa qenë nevoja ta bëni për çdo aplikacion individualisht.
Nga fotoja e paraqitur mund të ndryshojnë shumë gjëra derisa të debutojë zyrtarisht. Megjithatë besojmë se janë pjesë e strategjisë të riprezantimit të veçorive të Inbox.
Pak ditë më parë Google ridizajnoi aplikacionin Gmail në Android dhe iOS me pamjen e re të dizajnit material. Pamja e re përdor ngjyrën e bardhë dhe elementë vizualë të rrumbullakët. Paneli në krye në ngjyrë të kuqe është eliminuar dhe tashmë zëvendësuar nga një fushë kërkimi.
Versioni i ri i aplikacionit do të bëhet i disponueshëm në ditët në vijim përmes Play Store dhe App Store.