Raporti i Parlamentit të Britanisë: Facebook-u është kriminel dixhital - Bota Sot
Raporti i Parlamentit të Britanisë: Facebook-u është kriminel dixhital

Teknologji

Raporti i Parlamentit të Britanisë: Facebook-u është kriminel dixhital

Më: 21 shkurt 2019 Në ora: 08:23
Ilustrim

Rrjeti social Facebook, i përdorur nga mbi 2 miliardë njerëz në botë është vënë në akuzë. Një raport i Parlamentit britanik e cilëson atë si kriminel dixhital, për shkak të lejimit të përdorimit të të dhënave personale në fushata politike.

Një raport i Parlamentit britanik e cilëson Facebook-un si kriminel dixhital, një etiketim i ashpër dhe aspak i zakontë për rrjetin social të miliona përdoruesve në mbarë botën. Komisioni parlamentar, i kryesuar nga një konservator, pas 18 muajve hetime ka dalë në përfundimin se “Kompanitë si Facebook nuk duhet të lejohen të sillen si “kriminelë dixhitalë”. Raporti vjen pas zbulimit të skandalit Cambridge Analytica, firmë konsulente me seli në Britani, e cila u akuzua për marrjen e të dhënave nga 87 milionë profile në Facebook, për përdorim në fushata politike.

Raporti del në përfundimin se facebook ka vepruar  “në vetëdije të plotë dhe me qëllim”. Madje edhe vetë themeluesi Mark Zuckerberg, besohet se ishte i vetëdijshëm për problemet dhe nuk ka vepruar për të korrigjuar këto shkelje etike, theksohet në raport.

Dokumenti ngre një problem serioz menaxhimi në rrjetin më të madh social në botë, i përdorur nga më shumë se dy miliardë njerëz. Deputetët britanikë kanë theksuar se epoka e vetë-rregullimit duhet të marrë fund. Ata sugjerojnë krijimin e një autoriteti të pavarur në Mbretërinë e Bashkuar për rregullimin e rrjeteve sociale, për të hequr përmbajtjet e diskutueshme dhe parashikojnë vendosjen e gjobave të rënda.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...