WhatsApp Business tani i gatshëm edhe në iOS - Bota Sot
WhatsApp Business tani i gatshëm edhe në iOS

Teknologji

WhatsApp Business tani i gatshëm edhe në iOS

Më: 22 mars 2019 Në ora: 20:59
WhatsApp Business

Facebook prezantoi WhatsApp Business në fillim të vitit të kaluar, në një përpjekje për të ndihmuar bizneset të arrijnë më lehtë klientët.

Aplikacioni fillimisht ishte i disponueshëm për shkarkim falas në Android, dhe tani disponueshmëria e tij duket se po zgjerohet edhe për përdoruesit e iOS.

WABetaInfo pretendon në Twitter se WhatsApp Business është gati për shkarkim në dyqanin e aplikacioneve meksikan.

Aplikacioni iOS gjithashtu duket se është në dispozicion në vende të tjera, përfshirë Egjiptin, Francën, Panamanë, Paraguain, Argjentinën dhe Brazilin, sipas disa përdoruesve që iu përgjigjën postimit të WABetaInfo.

Aplikacioni u lejon bizneseve të krijojnë profilet e tyre në WhatsApp me një përshkrim të shkurtër në lidhje me produktet dhe shërbimet e tyre.

Gjithashtu përmban përgjigje të shpejta, mesazhe përshëndetëse të programuara dhe mesazhe që mund të dërgohen automatikisht tek klientët gjatë kryerjes së detyrave të tjera.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...