Komiteti Parlamentar i Bashkimit Evropian sot miratoi një projektligj që parashikon ndëshkime për kompanitë e internetit në shumën prej katër për qind të të ardhurave të tyre, nëse nuk heqin "përmbajtjen terroriste" nga platformat e tyre brenda një ore pas marrjes së informacionit nga institucionet përkatëse.
Komiteti miratoi projektin pavarësisht kundërshtimit të madh nga grupet e të drejtave digjitale.
Kundërshtarët e këtij projektligji besojnë se afati për heqjen e përmbajtjes për një orë është shumë i shkurtër dhe se kompanitë do të detyrohen të bëjnë gabime dhe të heqin përmbajtjen e ligjshme.
Kritikët shtojnë se zgjidhjet e ofruara nga projektligji do të sillnin më shumë presion mbi kompanitë më të vogla të internetit sesa gjigandët si Google dhe Facebook, të cilët kanë filtra automatikë të përmbajtjes.
