Bitcoin përkundër vjedhjes në bursën më të madhe të kriptovalutave Binance, është rritur me 10 për qind brenda 24 orëve të fundit.
Në fillim të vitit 2019, çmimi i Bitcoin ishte 4 mijë dollarë, por sipas Coinmarketcap, vlera ka arritur në 7,400 dollarë.
Të dhënat teknike sugjerojnë se Bitcoin mund t’i rikthehet një rritje të vrullshme në javët në vijim. Indeksi i Fuqisë Relative, që përdoret për të matur ritmin e kriptovalutave, këtë javë regjistroi vlerën më të lartë që nga fillimi i vitit 2018.
Vlera e Bitcoinit shpërtheu në vitin 2017, ku çmimi u rrit nga 1 mijë dollarë në 20 mijë dollarë në vetëm 12 muaj.
