E pabesueshme: Arkeologët gjejnë “iPhone”-in 2,100 vite të vjetër

Teknologji

E pabesueshme: Arkeologët gjejnë “iPhone”-in 2,100 vite të vjetër

Më: 8 shtator 2019 Në ora: 16:43
Foto ilustrim

Një mbetje e çuditshme arkeologjike, e cila për nga konstrukti mund të asociojë në një ‘iPhone’ të ditëve të sotme, është gjetur në varrin e një gruaje.

Objekti i zi drejtkëndor u gjet në një vend varrezash, të njohur si “Atlantisi Rus”, i emëruar pas rajonit të republikës malore të Tuva-s.

Pamjet tregojnë se arkeologët pastrojnë rërën për të zbuluar “pajisjen” e pikturuar.

Mjeti duket në madhësinë e ngjashme të një ‘iPhone’-i të ditëve moderne dhe madje ka vrima në krye dhe në fund, ashtu si telefoni popullor i gjigantit Apple.

Pavel Leus, nga Shoqata për Hulumtimin e EurAsia, ka sqaruar se objekti është gjetur brenda varrit të një femre të lashtë me nofkën Natasha.

“Varrosja e Natasha me një iPhone të epokës Xiongnu mbetet një nga më interesantet në këtë vend varresh,” tha ai në një botim të ri që përmbledh rezultatet e disa viteve të ekspeditave arkeologjike të fundit.

Mjeti i ngjashëm me telefonin – me përmasa 18×9 cm – është në të vërtetë një shtrëngues rripi elegant, i përbërë nga gurë të çmuar dhe zbukuruar me monedha kineze “wuzhu”.

Këto monedha kanë ndihmuar shkencëtarët që të zbulojnë datën kur ka ekzistuar objekti – 2,137 vjet më parë – kur monedha u stampua për herë të parë.

Zbulimi është bërë në vitin 2016 por rezultatet sapo janë bërë publike, siç raportohet në The Siberian Times.

commentFirst article
Sot mund të lexoni Shfletoni kopertinat