Google Maps ju ndihmon të navigoni në botën reale, por gjithashtu ju ndihmon të llogarisni distancën midis dy pikave në hartë.
Por mos u shqetësoni, kjo nuk do të thotë që ju duhet të masni distancën me anë të referencave të matjes që shihni në krye të ekranit në versionin desktop.
Në vend të kësaj, ka një karakteristikë matjeje që mund ta perdorni për matje specifike midis dy apo më shumë pikave. Ja se si mund ta përdorni, pavarësisht nëse jeni në versionin desktop apo mobil të Google Maps.
Si të matni në Google Maps në kompjuter
Është një detyrë relativisht e thjeshtë dhe ju merr vetëm një minutë për ta kryer:
Shkoni në maps.google.com
Klikoni me të djathtën në pikën e nisjes dhe selektoni “Measure distance”
Klikoni në pikën e përfundimit (apo pikën e dytë) për të krijuar një linjë direkte nga pika origjinale dhe për të matur distancën mes tyre
Nëse dëshironi të përcaktoni distancën mes disa pikave, thjesht klikoni në pikën tjetër në hartë
Distanca totale do të shfaqet në vijën e zezë që bashkon secilat pika, si dhe në kutinë që shfaqet në fund të ekranit.
Si të matni në Google Maps në telefon
Hapat për matjen e distancave në aplikacionin mobil janë të njëjtë si për përdoruesit e Android dhe ato të iPhone.
Hapni aplikacionin Google Maps
Klikoni në hartën mbi të cilën do të filloni (ju mund të kërkoni vendndodhje nëse është afër jush apo e keni ruajtur)
Klikoni mbi emrin e vendndodhjes, të lokalizuar në fund të ekranit
Selektoni “Measure distance”
Lëvizni hartën në mënyrë që rrethi i zi të jetë mbi vendndodhjen tjetër.
Klikoni “Add” (simboli plus) në fund të qoshes së djathtë të ekranit
Përsërisni hapat sa herë të nevojitet
Do të shihni distancën totale të shfaqet në fund të faqes, e listuar në milje dhe në kilometra.