Departamenti i Drejtësisë ka njoftuar 16 kallëzime të reja penale kundër Huawei, duke pohuar se gjiganti kinez i teknologjisë u angazhua në një përpjekje të gjatë ’për të vjedhur sekretet tregtare nga kompanitë amerikane.
Në një deklaratë të lëshuar të enjten, DoJ (United States Department of Justice) deklaroi se kompania dhe dy nga degët e saj të SHBA-së, Huawei USA dhe Futurewei – ishin angazhuar kështu në një ‘komplot për të shkelur Racketeer Influected dhe Corrupt Organisation Act (RICO)’.
Aktakuza pretendon se Huawei komplotoi ‘të keqpërdorë’ informacion sekret tregtar dhe vepra të mbrojtura nga të drejtat e autorit nga gjashtë firma të teknologjisë amerikane. Shembuj përfshinin kodet burimore dhe manualet e përdoruesve për ruterët e internetit, teknologjinë e antenës dhe teknologjinë e testimit të robotëve.
Kompanitë amerikane të cilat ishin në shënjestër nuk janë emëruar publikisht. Një shpërdorim i tillë dyshohet se ishte pjesë e strategjisë së Huawei për të rritur biznesin e saj global.
Deklarata e DoJ (Departament i Drejtësisë së Amerikës) pretendon se Huawei madje filloi një politikë ‘krijimin e një programi bonus për të shpërblyer punonjësit që përvetësuan pronën intelektuale nga konkurrentët’.
Prokurorët pretendojnë se disa punonjës të Huawei hynë në marrëveshje konfidenciale me gjashtë kompanitë amerikane, përpara se të shkelnin marrëveshje të tilla duke i dorëzuar më pas informacionin në gjigantin e teknologjisë kineze.
Kështu, deklaratat e DoJ pretendon se “përpjekjet e Huawei për të vjedhur sekretet tregtare dhe teknologji të tjera të sofistikuara amerikane ishin të suksesshme”.
“Si pasojë e fushatës së saj për të vjedhur këtë teknologji dhe pronë intelektuale, Huawei ishte në gjendje të shkurtojë në mënyrë drastike kostot e tij të kërkimit dhe zhvillimit dhe vonesat e shoqëruara, duke i dhënë kompanisë një avantazh konkurrues të rëndësishëm dhe të padrejtë”, vazhdon të thotë deklarata.
16 akuzat e reja i shtohen një aktakuze të pazbuluar në janar të vitit 2019 që pretendohet se Huawei vodhi sekretet tregtare nga transportuesi amerikan T-Mobile.
Rasti u zbulua pasi administrata Trump po ngre shqetësimet e sigurisë kombëtare dhe mbikëqyrjes në lidhje me Huawei, prodhuesi më i madh në botë i pajisjeve të telekomunikacionit.
Rasti ka të ngjarë të ketë ‘pasoja të mëdha gjeopolitike’, sipas Tech Crunch.
Huawei, një nga firmat më të mëdha të teknologjisë dhe një prodhues i madh i pajisjeve të telekomit, është renditur në listën e zezë nga Uashingtoni mes shqetësimeve për lidhjet e saj me qeverinë kineze dhe shërbimet e inteligjencës.
