Koronavirusi/ Ja çfarë masash po merr Facebook për Covid-19 - Bota Sot
Koronavirusi/ Ja çfarë masash po merr Facebook për Covid-19

Teknologji

Koronavirusi/ Ja çfarë masash po merr Facebook për Covid-19

Më: 5 mars 2020 Në ora: 10:03
Mark Zuckerberg

Themeluesi i Facebooku-ut, Mark Zuckerberg ka thënë se për shkak të koronavirusit po punojnë me autoritet shëndetësore që të koordinojnë përgjigjiet dhe informacionet e besueshme dhe të sakta. Krejt kjo, pasi sipas tij tashmë kjo sëmundje është sfidë globale.

“Kjo është kritike në çdo rast urgjence, por është veçanërisht e rëndësishme kur ka masa paraprake që mund të merrni për të zvogëluar rrezikun e infeksionit. Nëse kërkoni koronavirus në Facebook, do të shihni një pop-up që ju drejton te Organizata Botërore e Shëndetit ose autoritetin tuaj shëndetësor lokal për informacionin më të fundit.

Nëse jeni në një vend ku OBSH-ja ka raportuar transmetim nga personi në person, do ta shihni gjithashtu në njoftimin tuaj të lajmeve. Duke pasur parasysh situatën në zhvillim, ne jemi duke punuar me ministritë kombëtare të shëndetësisë dhe organizata si OBSH, CDC dhe UNICEF për t’i ndihmuar ata të marrin informacione të sakta në kohë për  koronavirus”, shkruan Zuckeberg.

Ai ka thënë se po i japin OBSH-së sa më shumë reklama falas për përgjigjiet e tyre rreth koronavirusit. “Ne gjithashtu do të japim mbështetje dhe miliona më shumë në kredi dhe për organizatat e tjera gjithashtu dhe ne do të punojmë ngushtë me ekspertë globalë të shëndetësisë për të siguruar ndihmë shtesë nëse është e nevojshme. Ne jemi gjithashtu të përqendruar në ndalimin e mashtrimeve dhe dezinformatave të dëmshme.

Është e rëndësishme që të gjithë të kenë një vend për të ndarë përvojat e tyre dhe të flasin për shpërthimin, por ndërsa standardet e komunitetit tonë sqarojnë, nuk është në rregull të ndajmë diçka që i vë njerëzit në rrezik”.

Ndër të tjera Mark shton se po punojnë për bllokimin e njerëzve nga reklamat që po përpiqen ta shfrytëzojnë situatën duke pretenduar se produktet e tyre mund ta kurojnë këtë sëmundje.

Shfaq komentet
comments powered by Disqus
Sot mund të lexoni Shfletoni kopertinat