Vitin e ardhshëm Play Store nuk do të ofrojë më aplikacione 32-bit por vetëm 64-bit. Në përgjigje të këtyre ndryshimeve po punon edhe vetë Google, konkretisht me një version 64-bit të Chrome për Android që do të ketë disa përmirësime të dukshme të performancës.
Aktualisht versioni 85 i Chrome aktualisht në kanalin Dev identifikohet me emërtimin 64-bit. Kjo do të thotë se sapo të godasë kanalin stabil, Chrome 85 64-bit do të jetë i disponueshëm për gjithë përdoruesit.
Android ka ofruar mbështetje për procesorët 64-bit që prej Lollipop 5.0 në 2014-ën ndërsa të gjitha pajisjet e reja që prezantohen dita ditës kanë harduerë 64-bit.
Në testimet e para të bërë është vënë re një ndryshim modest në performancë mes versioneve 32-bit dhe 64-bit të Chrome.
Ky version pritet të debutojë në fund të muajit Gusht ndërsa vetë Google nuk ka konfirmuar ende nëse Chrome 85 ka mbështetje për teknologjinë 64-bit.
