Presidenti i Shteteve të Bashkuara të Amerikës, Donald Trump tha se qeveria duhet të marrë një copë nga shitja e njësisë amerikane të TikTok nëse një firmë amerikane e blen atë.
Trump tha që bëri një kërkesë për një “pjesë të konsiderueshme” të çmimit të blerjes në një telefonatë në fundjavë me shefin e Microsoft.
Ai paralajmëroi gjithashtu se do të ndalojë aplikacionin, i cili është në pronësi të ByteDance të Kinës, më 15 shtator nëse nuk ka marrëveshje.
ByteDance është nën presion për të shitur biznesin e saj në SHBA pasi Trump kërcënoi sulm ndaj kompanive kineze të teknologjisë.
Administrata Trump ka akuzuar TikTok dhe të tjerët për sigurimin e të dhënave për qeverinë kineze – të cilën Pekini dhe TikTok i mohojnë.
“Shtetet e Bashkuara duhet të marrin një përqindje shumë të madhe të këtij çmimi, sepse ne jemi duke e bërë të mundur,” ka thënë Trump.
