Apple natën e kaluar zbuloi një linjë të re pajisjesh. Edhe pse nuk e kemi parë ‘aktorin’ kryesor të shfaqjes, iPhone 12, kjo nuk do të thotë që gjiganti amerikan nuk ka për çfarë të mburret.
Siç kemi shkruar tashmë, Apple Watch Series 6 dhe Apple Watch SE u prezantuan mbrëmë, si dhe dy modele të reja iPad.
Motoja nga e cila Apple u drejtua kur prezantoi orën e saj të re inteligjente është “E ardhmja e shëndetit në dore”.
Çfarë do të thotë saktësisht kjo?
Për fillestarët, Apple Watch vjen me WatchOS 7, një vëzhgues i rrahjeve të zemrës, ku përdoruesi, natyrisht, merr alarm nëse pajisja njeh që diçka nuk është në rregull me personin.
Një nga risitë është se ora tani ka aftësinë për të matur nivelin e oksigjenit në gjak, dhe mund të tregojë nëse personi është i infektuar me coronavirus.
Apple Watch SE
Modeli i dytë i orës inteligjente që Apple prezantoi është Apple Watch SE që do të ketë WatchOS 7.
Është dy herë më i shpejtë se modeli Apple Watch 3, me një ekran 30% më të madh.
Do të kushtojë 279 dollarë.
iPad 8
iPad i ri, i gjeneratës së tetë do të mundësohet nga një çip A12 Bionic, me një ekran 10.2-inç.
Një risi e madhe është Motor Neural, i cili po vjen në iPad për herë të parë.
Krahasuar me modelin e mëparshëm, është paralajmëruar së është 40% më i shpejtë në përpunimin e të dhënave, si dhe aftësi grafike dy herë më të mirë.
Çmimi i gjeneratës së tetë iPad do të jetë 239 dollarë.
iPad Air i ri do të përdorë çipin më të përparuar që Apple ka bërë ndonjëherë – A14 Bionic. Kjo duhet të sjellë 40% performancë më të shpejtë kur bëhet fjalë për procesorin, ose 30% grafikë më të mirë krahasuar me modelin e mëparshëm.
Sa i përket dizajnit – diagonalja e ekranit Liquid Retina është 10.9 inç, me një rezolucion prej 2360×1640.
Ka një kamerë 12MP në pjesën e pasme dhe një 7MP në pjesën e përparme.
Çmimi i iPad Air-it të ri është 599 dollarë.
