HuffingtonPost ka një pronar të ri pasi kompania aktuale Verizon Media arriti një marrëveshje për ta shitur faqen te BuzzFeed, raportojnë mediet e huaja.
Lajmin e bëri të ditur Wall Street Journal derisa e përshkroi këtë si një marrëveshje aksionesh.
Verizon Media ka bërë një investim në BuzzFeed duke u bërë dhe një aksioner i pakicës në kompaninë e medias dixhitale.
Vendimi i ri përfshin gjithashtu një marrëveshje për të bashkuar përmbajtjen midis dy kompanive.
Sipas njoftimit për shtyp nga BuzzFeed, kjo marrëveshje përmbush rrethin e HuffPost, pasi bashkëthemeluesi dhe CEO i BuzzFeed, Jonah Perreti ishte gjithashtu një nga themeluesit e saj që fillimisht njihej si The Huffington Post.
“Kam kujtime të forta të zhvillimit të gazetës HuffPost, mirëpo BuzzFeed po e bën këtë blerje sepse ne besojmë në të ardhmen e HuffPost dhe potencialin që duhet të vazhdojë në përcaktimin e peizazhit të medias për vitet në vijim”, tha Perretti.
Verizon Media e bleu The Huffington Post për 315 milionë dollarë gati një dekadë më parë, vetëm disa muaj pasi bleu TechCrunch.
