Pesë vjet më parë, pak javë pasi i kaloi drejtimin e kompanisë pasardhësit të tij Tim Cook, gjeniu vizionar i Apple, Steve Jobs do të shuhej nga një tumor në pankreas.
Intuitat e tij sollën një kapitull të ri në historinë e informatikës, dhe kulti i tij është më i gjallë se kurrë mes fansave në të gjithë botën. Sot Apple është një nga shoqëritë më të mëdha në botë dhe me një vlerë mjaft dominuese në treg.
Por në të njëjtën kohë rritja e kompanisë po ngadalësohet dhe përballet me mjaft shqetësime të së ardhmes, me shitjet e iPhone dhe iPad në rënie dhe Apple Watch nuk ka qenë një produkt i suksesshëm.
Sipas analistëve të ndryshëm, Apple nuk është më ajo e dikurshmja dhe duket se paska munguar mendja e gjeniut të saj për të sjell në treg produkte të shitura.
Kujtimi i Jobs lundron në rrjetet sociale dhe në faqen e Apple, ku i është dedikuar një faqe “Remembering Steve” (Në kujtim të Steve), që mbledh në kohë reale të gjitha postimet e fansave.
“Një e përbashkët e të gjithëve, nga miq personale, tek kolegët dhe poseduesit e produkteve Apple, është mënyra se si janë prekur nga pasioni i tij për kreativitetin”, thuhet në faqe.
