Facebook synon të ofrojë edhe shërbimin e klientit për bankat - Bota Sot
Facebook synon të ofrojë edhe shërbimin e klientit për bankat

Teknologji

Facebook synon të ofrojë edhe shërbimin e klientit për bankat

Më: 7 gusht 2018 Në ora: 08:43
Ilustrim

Kompania Facebook ka hapur bisedimet me disa nga bankat më të rëndësishme botërore, për të negociuar ofrimin e shërbimit të klientit nëpërmjet rrjetit social.

Lajmin e kanë dhënë përfaqësues të kompanisë, të cilët treguan se synojnë që nëpërmjet Messenger-it, të mund të bëjnë lidhjen e klientit, me oficerët e shërbimit të bankave.

Ky shërbim synohet të arrihet nëpërmjet lidhjes së llogarisë bankare me Facebook-un apo Messenger-in personal, ndërsa më pas do të ofrohej automatikisht shërbimi për klientin dhe do të lejonte kryerjen e shumë veprimeve.

Gjithsesi debati edhe në këtë rast lidhet me privatësinë e llogarive bankare, pasi nëse i jepet akses rrjetit social, atëherë Facebook mund të marrë një sërë të dhënash mbi transaksionet.

“Ne nuk do ta përdorim këtë informacion përtej asaj që duhet për të ofruar shërbimin e klientit. Ne e kemi të qartë se pjesa më kritike e këtij bashkëpunimi, është të ruajmë informacionin dhe t’i bëjmë njerëzit të ndjehen të sigurt”, tha Facebook nëpërmjet një deklarate zyrtare.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...