Australia përjashton Huawei nga projekti i rrjetit 5G - Bota Sot
Australia përjashton Huawei nga projekti i rrjetit 5G

Teknologji

Australia përjashton Huawei nga projekti i rrjetit 5G

Më: 23 gusht 2018 Në ora: 14:39
Ilustrim

Qeveria australiane ka bllokuar shpërndarjen e teknologjisë 5G të Huawei për zhvillimin e rrjetit pa tel në atë vend, njoftoi një gjigant teknologjik kinez.

CNN raporton se Huawei, një nga prodhuesit më të mëdhenj të telefonave të mençur në botë dhe pajisje të telekomunikacionit, njoftoi se ka marrë një njoftim nga qeveria australiane sot.

"Ky është një vendim shumë zhgënjyes për konsumatorët. Huawei është lider botëror në 5G, "tha  kompania kineze në Twitter.

Lajmi vjen, sipas CNN, pas raportimeve në muajt e fundit se agjencitë australiane të sigurisë kombëtare ishin të shqetësuar rreth lidhjeve të dyshuara midis Huawei dhe qeverisë kineze.

Huawei disa herë ka hedhur poshtë akuzat, duke insistuar se është kompani private. Huawei po ashtu theksoi se qeveria australiane ka bllokuar edhe kompaninë tjetër kineze ZTE në zhvillimin e teknologjisë 5G në vend. ZTE nuk ka komentuar vendimin e Kanberrës zyrtare.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...