Kompania ruse ngre padi ndaj Facebook për fshirjen e llogarisë

Teknologji

Kompania ruse ngre padi ndaj Facebook për fshirjen e llogarisë

Më: 21 nëntor 2018 Në ora: 09:23
Foto ilustrim

Një kompani ruse e lidhur me dyshimet për përfshirje në zgjedhjet e Shteteve të Bashkuara në vitin 2016, ka ngritur padi ndaj Facebook, për shkak që kompania e rrjetit social e ka fshirë llogarinë e tyre.

Kompania e quajtur Agjencia Federale e Lajmeve LLC, ka theksuar se është kompani legjitime e lajmeve dhe se profili i tyre në Facebook duhet të kthehet. Padia u dorëzua më 20 nëntor në një Gjykatë në Kaliforni.

E njohur si FAN, kompania e vendosur në Shën Petersburg ishte akuzuar për ndërhyrje në fushatën e zgjedhjeve amerikane më 2016.

Facebook ka fshirë faqen e FAN në prill, në periudhën e padisë së Këshilltarit Special Rober Mueller ndaj Agjencisë së Hulumtimeve në Shën Petersburg. Mueller kishte akuzuar agjencinë, për shpërndarje të dezinformatave në vitin 2016.

Facebook ka larguar më shumë se 270 llogari në gjuhën ruse për shpërndarjen e lajmeve të rreme, por në padi theksohet se ato janë larguar në mënyrë të jashtëligjshme.

Sot mund të lexoni Shfletoni kopertinat