Gjyqtari anësor, Rifat Kasapolli, përgatitet për ngjarjen e madhe të 27 majit përkatësisht turneun ndërkombëtar të tenist, që do të zhvillohet në Budvë të Malit të Zi.
Pejani tash e disa vitet me sukses referon në sportin e tenisit, ndërsa javën e kaluar e ka nda drejtësinë në finalen mes Egjiptit dhe Norvegjisë, e cila u fitua nga Egjipti me rezultat 2:0, në turneun “Edi” që ishte zhvilluar në Ulqin.
“Në turne marrin pjesë tenistët nga nëntë shtete dhe është shumë i fortë”, tregon Kasapolli për gazetën kombëtare “Bota sot”.
Për Kasapollin është edhe një test i mirë, për faktin se do ta ndajë drejtësinë në një turne shumë të fortë dhe është i vetmi gjyqtar nga Kosova në këtë ngjarje të madhe.
