Tetë herë fituesi i turneut londinez, Roger Federer, fitoi me rezultat 3:1 ndaj afrikano-jugorit Lloyd Harris (3:6, 6:1, 6:2, 6:2). Ky i fundit fitoi setin e parë, duke bërë që për Federer ky turne të niste jo mirë.
Gjithsesi, zvicerani arriti të rikuperojë dhe fitoi me lehtësi tri setet e tjera, duke avancuar më tej.
Pas 5 setesh fiton edhe tenisti rebel Nick Kyrgios, që mundi 3:2 australianin Jordan Thompson, ndërsa japonezi Kei Nishikori fitoi 3:0 ndaj brazilianit Thiago Monteiro.
Ditë pozitive edhe për tenistët francezë, pasi avancojnë në raundin e dytë Gilles Simon dhe Jo-Wilfried Tsonga. Te femrat, spanjollja Garbine Muguruza, u mund 2:0 nga braziliania Betraiz Maia (6:4, 6:4).