Rafael Nadal, numri 1 në botë për meshkuj është një frymëzim për mjaft tenistë të rinj, por edhe vetë spanjolli pranon se përballjet e mëdha që ka zhvilluara gjatë karrierës së tij me Roger Federer e kanë frymëzuar që të përmirësohet dita-ditës. “Duelet ndaj Roger kanë qenë një motovim i madh për mua, pasi përballë kisha një tenist të jashtëzakonshëm si Federer”, thotë Nadal.
“Që kur është bërë numri 1 në botë, Roger është përmirësuar gjithnjë e më shumë, çdo ditë e më shumë. Mendoj se ai është përmirësuar gjatë gjithë karrierës së tij, edhe sot. Kyo ishte e rëndësishme edhe për mua, pasi ishte diçka që duhej ta bëja edhe unë. Nëse dëshiron të jesh kompetitiv në këtë sport për shumë vite, duhet të përmirësohesh gjithnjë”, shprehet spanjolli.