Biblioteka e Tetovës i shpërbleu krijimet më të mira letrare të nxënësve me rastin e Ditës Botërore të Librit - Bota Sot
Biblioteka e Tetovës i shpërbleu krijimet më të mira letrare të nxënësve me rastin e Ditës Botërore të Librit

Tetova

Biblioteka e Tetovës i shpërbleu krijimet më të mira letrare të nxënësve me rastin e Ditës Botërore të Librit

Më: 24 prill 2019 Në ora: 23:53
Biblioteka

Me shpalljen e fituesve dhe me ndarjen e çmimeve për konkursin letrar për krijimet më të mira poetike biblioteka e qytetit “Koço Racin” nga Tetova e shënoi Ditën Botërore të Librit. Afër një mijë krijime letrare në poezi dhe prozë kanë arritur në bibliotekën e Tetovës me rastin e konkursit letrar.

“Shpresojmë se me këtë do të arrijmë t’i stimulojmë nxënësit që më shumë t’i kushtohen krijimit, leximit të librave dhe shkrimit, në kohën kur teknologjia gjithnjë e më shumë bëhet pjesë e përditshmërisë”, deklaroi drejtoresha e bibliotekës, Njomza Imeri Ismaili.

Në kategorinë e krijimeve letrare në gjuhën shqipe, çmim mori Krenare Ismaili nga SHF “Përparimi” nga Reçica e Madhe për poezinë “Mos”. Çmimin e dytë e fituan Anisa Denjali dhe Amra Qazimi që të dyja nga SHF “Abdyl Frashëri” nga Bogovina. Çmimin e tretë e fituan Edona Osmani nga SHF “Sabedin Bajrami” nga Kamenjani, Blerat Gafuri nga SHF “Dërvish Cara” nga Pallçishti dhe Jëllzana Ameti nga SHF “Kirill Pejqinoviq” nga Tearca.

Mirënjohje morën nxënësit e çdo shkolle fillore si edhe mentorët e personave të paraqitur.

Çmime nga “Këndi amerikan” morën edhe nxënësit të cilët patën krijime letrare në gjuhën angleze.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...