Tetovë, tabela e shkollës që nga koha e komunizmit - Bota Sot
Tetovë, tabela e shkollës që nga koha e komunizmit

Tetova

Tetovë, tabela e shkollës që nga koha e komunizmit

Më: 10 korrik 2019 Në ora: 17:36
Në shkollën ‘Andrea Saveski” në Kikish

Në shkollën ‘Andrea Saveski” në Kikish ende qëndron tabela me mbishkrimin Republika Socialiste e Maqedonisë.

Drejtoresha e Shkollës Fillore Kikish të Tetovës Dijana Cenoska, nuk zbaton urdhrat e sektorit për Arsim të Komunës së Tetovës.

Edhe pse, siç pranon vetë ajo jashtë kamerave, disa herë i është urdhëruar që ta ndërroj tabelën e shkollës, e njëjta ende vazhdon të mbajë mbishkrimin Republika Socialiste e Maqedonisë.

Në tabelë gjithashtu qëndron edhe stema e vjetër e shtetit. Ekipi i televizionit Alsat tentoi që të merr prononcim edhe nga vet drejtoresha e Shkollës, por e njëjta refuzoi të prononcohet.

Përgjegjësi i arsimit në komunën të Tetovës nga ana tjetër thotë se tabela e re është porositur por nuk tregoi nëse do të ndërmerret ndonjë masë ndaj drejtoreshës për moszbatim të urdhrave.

“Është porositur tabela, por është pritur me përfundimin e punëve tani me pushimet verore të vendoset edhe tabela e re”, deklaroi  Ahmed Qazimi nga sektori për veprimtari komunale.

Problem me emrat e shkollave në Tetovë nuk ka vetëm Kikishi, por  pjesa më e madhe e tyre, të cilat edhe më tej vazhdojnë të mbajnë emrat e periudhës së komunizmit, ndërsa komuna, vazhdon edhe më tej shmang përgjegjësinë duke hedhur fajin te mungesa e kohezionit politik brenda këshilltarëve.

“Kjo duhet të diskutohet në instanca të këshillit të komunës sepse e dini se iniciativat nga ana e disa shkollave janë përcjellë deri tek këshilli i komunës së Tetovës. Besoj që këshilli i komunës do gjej një konsensus të gjithmbarshëm politik sepse është interes i gjithmbarshëm”, tha Qazimi.

Përndryshe, deri më tani kërkesa për ndërrimin e emrave janë drejtuar në komunë nga disa shkolla të mesme, siç është Gjoçe Stojçeski, Mosha Pijade, Kiril Pejçinoviq dhe Nikolla Shtejn, por të njëjtat kërkesa, asnjëherë nuk kanë marr përgjigje, e as nismë konkrete./AlsatM

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...