Pa të lënduar kaloi zjarri i cili shpërtheu në një kamion në lëvizje gjatë mëngjesit të sotëm në autostradën Tetovë-Gostivar.
Shoferi dhe bashkudhëtari në kohë kanë dalë nga automjeti.
“Rreth orës 07:00 të mëngjesit në autostradën Gostivar-Tetovë, në afërsi të udhëkryqit për në Zherovjan, ka shpërthyer zjarr në automjetin transportues ‘volvo’ me targa të Ohrit i cili ishte në lëvizje i drejtuar nga 43 vjeçari T.N. nga Leskoeci i Ohrit. Në kamion ishte edhe një person nga Kërçova. Nuk ka të lënduar, ndërsa me intervenim të zjarrfikësve nga Tetova dhe Gostivari, zjarri tërësisht është lokalizuar”, thuhet në njoftim.
Inspektim në vendin e ngjarjes ka kryer ekipi i Sektorit për Punë të Brendshme Tetovë. Prej atje apelojnë që shoferët të kryejnë kontroll nëse automjeti ka qenë i rregullt teknikisht.
