Aksident i rëndë trafiku në rrugën Tetovë-Zhelinë, 2 të lënduar rëndë - Bota Sot
Aksident i rëndë trafiku në rrugën Tetovë-Zhelinë, 2 të lënduar rëndë

Tetova

Aksident i rëndë trafiku në rrugën Tetovë-Zhelinë, 2 të lënduar rëndë

Më: 16 janar 2020 Në ora: 20:13
Foto nga aksidenti

Para pak çastesh në rrugën e vjetër Tetovë – Zhelinë ka ndodhur një aksident i rëndë trafiku. Sipas informatave të para një kamion i tonazhit të rëndë ka përplasur një veturë familjare. Për pasojë makina familjare ka shpërthyer në flakë ku kanë mbetur të lënduar rëndë të dy drejtuesit e automjeteve, informon “Alsat”.

Të plagosurit fillimisht janë dërguar në spitalin e Tetovës, por për arsye të gjendjes së rëndë shëndetësore në të cilën ndodhen janë dërguar për një trajtim më të specializuar drejt klinikës së Shkupit.

Është dashur ndërhyrja e zjarrfikësve për të nxjerrë personat e plagosur nga makinat për shkak të dëmtimit të madh që kanë pësuar makinat nga zjarri i fuqishëm që janë përfshirë.

Gjithmonë sipas informatave të para, shkak i aksidentit mendohet të ketë qenë shikueshmëria e ulët për shkak të mjegullës së dendur që paraqitet në këto momente në fushën e Pollogut. Ndërkohë SPB-ja dhe Prokurori i turnit të Tetovë ndodhen në vendngjarjeje dhe po kryejnë hetimet për zbardhjen e plotë të këtij aksidenti të rëndë. Trafiku është pezulluar ndërsa identiteti i të plagosurve ende nuk dihet.

Image

 

Shfaq komentet
comments powered by Disqus
Sot mund të lexoni Shfletoni kopertinat