Xhamia e Larme në Tetovë i hap dyert për besimtarët - Bota Sot
Xhamia e Larme në Tetovë i hap dyert për besimtarët

Tetova

Xhamia e Larme në Tetovë i hap dyert për besimtarët

Më: 12 maj 2020 Në ora: 15:16
Xhamia e Larme në Tetovë

Në objektin më të famshëm fetarë mysliman në Tetovë, Xhamia e Pashës (Xhamia e Larme), sot kanë filluar sërish të praktikohen ritet fetare.

Besimtarët që erdhën në dyert e xhamisë hasën në udhëzime të shkruara për sjellje për shkak të pandemisë, ndërsa kishte pajisje për dezinfektim të duarve dhe maska mbrojtëse për fytyrën.

“Detyrimet që u janë imponuar besimtarëve janë që të vijnë nga shtëpia me sexhaden e tyre (qilim i vogël për namaz), si dhe të marrin abdes në shtëpi, të marrin Kuranin e tyre dhe maskën mbrojtëse për fytyrë”, theksoi Mensur Miftari, kryetar i Këshillit të Xhamisë së Larme.

Në hapësirën për lutje brenda xhamisë, detyrimet janë që të mbajnë distancë, si dhe të përmbahen nga përshëndetja me duar pas lutjes – namazit.

Ndryshe, me vendim të Bashkësisë Fetare Islame sot janë hapur xhamitë për besimtarët, ndërsa të njëjtat u mbyllën më 17 mars për shkak të situatës me coronavirusin.

Shfaq komentet
comments powered by Disqus
Sot mund të lexoni Shfletoni kopertinat