Policia e Tetovës njoftoi se dje në ora 20:20 në rrugën “107” në Tetovë, policët arrestuan një banor të Sedllarces, sepse gjatë kontrollit tek ai u gjetën lëndë narkotike. Para se të arrestohej, sipas policisë personi kishte gëlltitur një qese marihuanë.
Dy orë më vonë, në rajonin e Tetovës u arrestuan edhe dy persona të tjerë për shkak se tek ata u gjet kokainë dhe heroinë.
“Në orën 22:40 , në një objekt hotelerik në rrugën “Ilindenska” në Tetovë, policia nga SPB-Tetovë ka arrestuar M.T. (46) nga Tetova dhe I.M.(38) nga Kumanova, tek të cilët është gjetur heroinë, ndërsa brenda objektit janë gjetur mbetje të kokainës”, njoftojnë nga MPB.
