SPB Tetovë: Për nëntë muaj, 409 prishje të rendit dhe qetësisë publike

Tetova

SPB Tetovë: Për nëntë muaj, 409 prishje të rendit dhe qetësisë publike

Më: 21 tetor 2021 Në ora: 12:06
Foto ilustrim

Sektori për Punë të Brendshme në Tetovë informon se në nëntë muajt e fundit të këtij viti në janë regjistruar gjithsej 409 shkelje të rendit dhe qetësisë publike, gjegjësisht (TE-204 dhe GV-205) ose pothuajse numër i njëjtë me ato të vitit të kaluar, ku 489 kryerës kanë qenë të përfshirë në këto shkelje (TE-279 dhe GV-210), dhe shumica e kundërvajtjeve janë pastruar plotësisht dhe rrumbullakuar me parashtresat adekuate sipas Ligjit për kundërvajtjet kundër rendit dhe qetësisë publike.

Nga SPB Tetovë thonë se shumica e kundërvajtjeve për të cilat janë përgatitur parashtresa dhe iniciativat për fillimin e procedurave kundërvajtëse (320) kanë ndodhë në qytet, kryesisht me pjesëmarrje individuale të autorëve, nga të cilët në këtë periudhë 460 kanë qenë burra. Shumica e autorëve janë të moshës mbi 25 vjeç (377).

“Ndër shkeljet e regjistruara më shumë përsëri janë sulmet fizike (180) nga të cilat 82 ndodhën në Tetovë dhe 98 në Gostivar, të ndjekura nga përleshjet fizike (35), sjellje të pahijshme, gjithashtu 35, fyerje dhe poshtërim të një zyrtari ose organi shtetëror dhe kështu me radhë”.

“Në periudhën në fjalë janë regjistruar 3 shkelje në dhe rreth shkollave (TE-2 dhe GV-1) dhe 3 në garat sportive (TE), ndërsa nuk është evidentuar shkelje e rendit dhe qetësisë publike me karakter ndëretnik”, thonë nga SPB Tetovë.

commentFirst article
Sot mund të lexoni Shfletoni kopertinat