Lazim Destani: Gëzuar 27 vjetori i Universitetit të Tetovës “Fadil Sulejmani”!

Tetova

Lazim Destani: Gëzuar 27 vjetori i Universitetit të Tetovës “Fadil Sulejmani”!

Nga: Beqir Sina Më: 17 dhjetor 2021 Në ora: 20:50
Lazim Destani

Universiteti Tetovës, mbas 27 vjetësh përpjekjesh të pafundme për arsimimin,është i pari universitet në shqip ndër qytetet shqiptare, në Maqedoni, në Tetovë, i cili tashmë mban emrin e ideatorit, themeluesit dhe rektorit të parë, Fadil Sulejmani.

Universiteti i Tetovës këtë përvjetor jubilar, 27 vjetorin e themelimit, natyrisht që e shënon si për çdo 16 Dhjetor me një varg aktivitetesh për disa ditë me radhë. 

Ajo që shënimin e çdo përvjetori të Universitetit të Tetetovës e bënë paksa të veçantë,është edhe mesazhi i përkujtimit nga filantropi i njohur, Lazim Destani: Gëzuar 27 vjetori i Universitetit të Tetovës “Fadil Sulejmani”!

"Urimet më të mira për Ju të nderuar profesorë e studentë në këtë ditë të shënuar të arsimit shqip në Maqedoninë e Veriut. Urime gjithë popullatës shqiptare që me përpjekje e sakrifica e lindi dhe e rriti këtë tempull të dijes. Qoftë ky Universitet gjithnjë në rritje e me suksese pa fund!"

Në çerek shekullin e tempullit të dijes në Tetovë, një ngjarje e paharrueshme, ishte ngritja e shtatores së Fadil Sulejmanit, para godinës së këtij Universiteti si dhe emri i ri që iu dha kësaj vatre të dijes duke e komplementuar me emrin e themeluesit dhe rektorit të parë, Universiteti i Tetovës “Fadil Sulejmani”,
nga donatori i saj filantropi Lazim Destani.

Krahas shtatores së rektorit historik të universitetit, po këtë ditë më 16 dhjetor 2019, në hapësirën e universitetit u përurua edhe lapidari “Flakadani i Kujtesës”, i ngritur në shenjë nderimi për gjithë ata që dhanë gjënë më të shrenjtë, jetën e tyre, për shkollën shqipe, për arsimin shqip.

Lazim Destani, në fjalën e tij përshëndetëse, dy vjet më parë(16 Dhjetor 2019) përvjetorin jubilar, e çmoi lart punën e bërë në këtë Universitet, që nga themelimi, duke thënë se:

“Përgjatë këtij çerekshekulli Universiteti i Tetovës, është gjendur përballë sfidave shumë të vështira, por ka qenë më i fuqishëm ideali, vullneti dhe vendosmëria e gjithë atyre që e mbështetën këtë vatër të dijes. Ishte rinia studentore, profesorët dhe popullata e kësaj ane që i dhanë mbështetjen e fuqishme iniciatorëve të këtij projekti, intelektualëve të guximshëm me në krye profesorin Fadil Sulejmani – Rektori i parë dhe historik i Universitetit të Tetovës. Rezultatet dhe sukseset që gjatë këtyre 25 viteve i ka arritur ky universitet janë evidente, janë të dukshme, por zhvillimi dhe rritja e universiteteve nuk kanë mbarim. Andaj, le të vazhdojmë ta mbështetim e ta rritim këtë tempull të dijes duke e mbajtur përkrah universiteteve më të mira të rajonit e më gjerë”, ka thënë Destan

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat