Të martën protesta në Tetovë kundër hapjes së kazinos në afërsi të çerdhes

Tetova

Të martën protesta në Tetovë kundër hapjes së kazinos në afërsi të çerdhes

Më: 18 shkurt 2022 Në ora: 15:19
Foto ilustrim

Lëvizja Anti-bixhoz për të martën ka paralajmëruar protesta masive, kundër hapjes së kazinos pranë çerdhes “Rinia” në Tetovë.

Sot në konferencë për shtyp nga kjo iniciativë, thanë se do të përdorin çdo mënyrë demokratike për të penguar hapjen e kazinos.

“Ndjehemi të tradhtuar dhe totalisht të zhgënjyer nga ju politikanë, dhe nga pafuqia juaj që mos ndoshta dëshironi t’iu quajmë vendimmarrës se jeni të zgjedhur nga ana e popullit por nga ana tjetër sillni propozime e vendosni kundër këtij populli. Andaj, njoftojmë opinionin se më datë 22 shkurt, në ora 14:00, do jemi në përkrahje të protestës qytetare kundër hapjes së kazinos pranë çerdhes Rinia, tek rreth rrotullimi tek fabrika Tetekst”, thotë Jushi Emërllahu nga Lëvizja Anti-bixhoz.

Mbështetje për protestat ka paralajmëruar edhe kryetari i Komunës së Tetovës, Bilall Kasami. Ai sot deklaroi se do të shfrytëzojë të gjitha mekanizmat institucional për të penguar aktivitetin e kazinove.

commentFirst article
Sot mund të lexoni Shfletoni kopertinat