Kasami: Vazhdojnë punimet në rrugën “Strasho Pinxhur”

Tetova

Kasami: Vazhdojnë punimet në rrugën “Strasho Pinxhur”

Më: 23 prill 2022 Në ora: 18:05
Bilall Kasami

Edhe përskaj reagimeve dhe kritikave të shumta për prerjen e drurëve në rrugën “Strasho Pinxhur” në Tetovë, punimet për rikonstruimin e kësaj rruge do të vazhdojnë nga e marta.

Këtë e ka bërë të ditur kryetari i Komunës së Tetovës, Bilall Kasami.

“Pas nisjes së punimeve të rikonstruimit të rrugës “Strasho Pinxhur“ dhe situatës së krijuar gjatë ditës së punimeve, vendosëm që përkohësisht t’i ndërpresim punimet në mënyrë që të sqarohet situata dhe më pas ky projekt të vazhdoj të realizohet në mënyrën më të mirë të mundëshme dhe gjithnjë në të mirë të qytetit dhe qytetarëve tanë.

Gjatë konsultimeve dhe takimit me qytetarët si dhe pronarët e lokaleve të kësaj rruge, prezantuam dokumentacionin dhe lejet e nevojshme për realizimin e këtij projekti, ku u dakorduam që prej ditës së Martë, të vazhdojnë punimet dhe njëherë e përgjithmonë kjo rrugë të kompletohet me të gjitha standardet e nevojshme dhe të marrë pamje ashtu siç i takon qendrës sonë, çarshisë sonë”, qëndron në njoftimin e Kasamit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat