Tragjedi në Tetovë: Mbytet një fëmijë 6-vjeçar në ujërat e lumit Shkumbin

Tetova

Tragjedi në Tetovë: Mbytet një fëmijë 6-vjeçar në ujërat e lumit Shkumbin

Më: 21 maj 2022 Në ora: 20:14
Foto ilustrim

Një tragjedi ka ndodhur në Tetovë pasditen e sotme, pasi një fëmijë 6-vjeçar është mbytur në ujërat e lumit Shkumbin, njoftojnë nga Qendra për Menaxhimi të Krizave.

Sot në ora 14:00 përmes E-112 është marrë informacion për një fëmijë të moshës 6 vjeçare në vendbanimin Krasniqi në Tetovë, i cili duke luajtur në bregun e lumit Shkumbin pas shtëpisë ku jeton, ka rënë në ujërat e vërshuara të lumit. Nëna e tij shtatzënë e vuri re rënien e fëmijës dhe është hedhur menjëherë në ujërat e për ta shpëtuar.

Pas rreth 50 metrash, të marra nga uji i shpejtë, disa banorë të rrethinës arritën ta nxirrnin nga bregu i lumit, por fatkeqësisht jo edhe fëmijën. Menjëherë pas njoftimit, Qendra ka alarmuar të gjitha subjektet – ekipet e Njësive Territoriale të Zjarrfikësve, ekipet e SPB Tetovë, Njësiti Special Antiterrorist “Tigër”, Njësiti i Ndërhyrjes së Shpejtë EBR dhe ekipi i Drejtorisë për Mbrojtje dhe Shpëtim, të cilët me me ndihmën e varkave kanë kontrolluar të gjithë zonën. Fatkeqësisht edhe përkundër ndërhyrjes së shpejtë, trupi i fëmijës është nxjerrë nga lumi në gjendje të pajetë”, tha QMK.

Trupi i pajetë i djalit është dorëzuar për autopsi, ndërsa policia ka kryer hetim për shkaqet e kësaj ngjarje tragjike në Tetovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat