Ashpërsohet gjendja me gripin, më rëndë në Tetovë

Tetova

Ashpërsohet gjendja me gripin, më rëndë në Tetovë

Më: 17 dhjetor 2022 Në ora: 18:27
Foto ilustrim

Gjatë kësaj jave numri i personave të sëmurë nga gripi sezonal ka regjistruar një rritje prej 60% në krahasim me javën e kaluar.

Në periudhën prej 5 dhjetorit deri 12 dhjetor 2022 janë regjistruar 93 raste me grip, ndërsa një javë më parë ky numër kishte arritur vetëm në 58 pacientë.

Numër më i madh i pacientëve sipas grupmoshave është regjistruar tek grupmoshat nga 15 deri 64 vjeç (51), 25 janë të grupmoshës nga 5 deri në 14 vjeç, ndërsa nga grupmoshat prej 0 deri në 4 vjeç janë të regjistruar 8 fëmijë të infektuar, dhe 9 të regjistruar janë të moshës mbi 65 vjeç.

Shfaqja më e lartë e gripit tek fëmijët është regjistruar në grupmoshat nga 5 deri në 14 vjeç. Kësaj liste i prinë Tetova si vend me më shumë raste të regjistruara (36), pas saj vjen Gostivari, Kumanova, ndërsa në Kavadar, Dibër, Strugë, Prilep, Shkup, Strumicë, ka më pak se 10 raste të raportuara. Gjatë kësaj jave është raportuar edhe për një pacientë i cili ndërroi jetë si pasojë e gripit.

commentFirst article
Sot mund të lexoni Shfletoni kopertinat