Momentet prekëse nga varrimi i 5 viktimave në Tetovë - Bota Sot
Momentet prekëse nga varrimi i 5 viktimave në Tetovë

Tetova

E hënë, 19 nëntor 2018

Momentet prekëse nga varrimi i 5 viktimave në Tetovë

Më: 26 janar 2018 Në ora: 18:15
Varrimi

Në Tetovë është bërë varrimi i pesë anëtarëve të familjes Zylbehari, të cilët të enjten në mënyrë tragjike humbën jetën pas shpërthimit të zjarrit në shtëpinë e tyre gjatë orës 3 e 30 minuta të mëngjesit. Katër fëmijët e moshës 5 deri në 14 vjeç dhe e ëma e tyre Fatime Zylbehari 39 vjeçe, humbën jetën nga zjarri që përfshiu shtëpinë e tyre në rrugën Goce Dellçev në Tetovë. Shkaktari i zjarrit zyrtarisht ende nuk dihet, por dyshohet se ai është shkaktuar nga koftori.

Flakët fillimisht kanë përfshirë katin e dytë ku flinin pesë viktimat pastaj është përhapur edhe në katin e poshtëm ky flinin dy pleqtë e shtëpisë dhe më pas edhe në shtëpinë fqinje. Nga kati i parë kanë arritur të shpëtojnë gjyshja dhe gjyshi i viktimave, ndërsa në shtëpinë fqinje nuk banonte njeri.

Rasti tek zjarrfikësit është lajmëruar në orën 4 e 15 minuta të cilët kanë intervenuar me 21 zjarrfikës dhe nëntë makina. Sipas tyre, intervenimi ka qenë i shpejtë por nuk kanë mundur të bëjnë asgjë për 4 fëmijët e mitur dhe nënën e tyre. 

Këshilli i Komunës së Tetovës me vendim unanim dje shpalli tre ditë zie për rastin e tragjedisë së djeshme dhe ka vendosur që nga mjetet rezervë të Komunës, familjes Zylbehari t’i ndajë ndihmë financiare me vlerë prej dy milionë denarësh.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test