Diplomon gjenerata e 14 në UEJL, Dika: Po hapet perspektiva për të rinjtë - Bota Sot
Diplomon gjenerata e 14 në UEJL, Dika: Po hapet perspektiva për të rinjtë

Tetova

Diplomon gjenerata e 14 në UEJL, Dika: Po hapet perspektiva për të rinjtë

Më: 17 qershor 2018 Në ora: 06:38
Diplomon gjenerata e 14 në UEJL

Studentët e universitetit të Europës Juglindore në Tetovë,  hodhën  kapelat e tyre të diplomimit në ceremoninë solemne  që organizohet çdo fund vit nga ky universitet. Kjo është gjenerata e katërmbëdhjetë e UEJL-së , që nga themelimi. Rektori në largim Zamir Dika , tha se ky vit, sjell shpresën për këta studentë, se të ardhmen mund ta ndërtojnë në vendin e tyre, pa pasur nevojë të largohen prej tij.

“Situata ndoshta është si vitin e kaluar, por ja çuditërisht unë jam më i motivuar se vitin e kaluar. Kjo është një pjesë e fjalimit që para se të shpallet momenti i ri çështja e emrit, ai i mundësisë së anëtarësimit në NATO dhe hapjen e bisedimeve për në BE, ky është një shpresë për ardhmërinë e vendit pra edhe tuajën. Ky universitet sot njihet edhe botërisht si një model i institucionit të arsimit të lartë në rajon i konstatuar edhe nga vlerësuesit ndërkombëtar të asociacionit  universiteteve evropiane”, tha Zamir Dika, rektor në largim i UEJL-së.

Ademi: Të rinjtë janë liderët e ardhshëm, mësoni!

Ministri i arsimit Arbër Ademi, theksoi se Ministria e Arsimit do të jetë gjithmonë në përkrahje të universiteteve.

“Ky është një brez i ri i të rinjve, dhe unë jam i sigurt që këta të rinj,  kanë më perspektivë  dhe që nuk kanë gabuar në zgjedhjen e fakulteteve. Këta të rinj, janë liderët e ardhshëm në shumë sfera dhe segmente të shoqërisë, në bazë të fushave që i kanë studiuar dhe njohurive që i kanë fituar”, tha Arbër Ademi,  Ministër i Arsimit dhe Shkencës.

Të pranishëm në këtë ceremoni ishin stafi akademik i UEJL-së, përfaqësues të ambasadave të huaja dhe shumë familjarë të studentëve që diplomuan.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test