Sektori për Punë të Brendshme në Tetovë sot ka dorëzuar padi penale kundër 53-vjeçarit A.K, për shkak se ka kryer tre vepra penale “vrasje”, “tentim vrasje” dhe “armë mbajtje pa leje”.
Ak është i dyshuar për vrasjen e gruas së tij në fshatin Reçicë e Vogël në Tetovë.
Incidenti ka ndodhur pardje (e diel) në periudhën me orës 22:00 dhe 23:00 në Reçicë të Vogël.
Sipas policisë, i dyshuari A.K me armë ka vrarë gruan e tij H.K (52) dhe ka gjuajtur edhe në drejtim të R.XH (50) nga Reçica e Vogël, i cili ka kaluar pa lëndime.
53-vjeçari u arrestua gjatë ditës së djeshme, ndërsa sot pritet të dalë para gjykatësit të procedurës paraprake në Gjykatën Themelore të Tetovës.
