Detaje nga atentati me armë zjarri në Tiranë, ku humbi jetën 17 vjeçarja dhe u plagos 23 vjeçari

Tirana

Detaje nga atentati me armë zjarri në Tiranë, ku humbi jetën 17 vjeçarja dhe u plagos 23 vjeçari

Më: 26 dhjetor 2018 Në ora: 19:19
Tiranë

Mbrëmjen e sotme një ngjarje e rëndë ndodhi në zonën e Laprakës në Tiranë.

Një 17 vjeçare ka humbur jetën pasi u plagos me armë zjarri, ndërsa i plagosur rëndë ka mbetur një 23 vjeçar.

Mësohet se ka humbur jetën shtetasja Briselda Gjikola, ndërsa ndodhet në gjendje të rëndë në spitalin e Traumës, 23 vjeçari Erjon Bengo.

Këta dy të rinj ishin në një makinë kur kanë rënë pre e një breshërie plumbash.

Ngjarja ka ndodhur në bllokun e pallateve “Gintash”.

 “Më datë 26.12.2018, rreth orës 18:17, në Laprakë janë plagosur me armë zjarri në rrethana ende të paqarta shtetasit B. Gj., 17 vjeçe dhe E. B., 23 vjeç.

Shtetasia B. Gj., ka ndërruar jetë në spital, ndërsa shtetasi E. B., ndodhet në gjendje të rëndë shëndetësore.”, njofton policia.

Po punohet për zbardhjen e rrethanave, identifikimin dhe kapjen e autorit/ve.

commentFirst article
Sot mund të lexoni Shfletoni kopertinat