Teksa banorët e Astirit vijojnë protestën prej 3 muajsh, të tjerë kanë pranuar shpërnguljen në banesat sociale si dhe prishjen e shtëpive. Ky është rasti i familjes Pira, e cila tanimë jeton në zonën e Shkozës pranë banesave sociale.
"Shtëpinë e morëm, na e falën, se na thanë që jua kemi fal. E morëm edhe kontratën e shtëpisë", tha një banore.
Teksa i kujton se banorët e zonës ku ka jetuar më parë vijojnë të protestojnë, ajo shprehet se për familjen e saj zgjidhja më e mirë ishte kjo.
"Ata kanë dalë në protestë se një e ka shtëpinë më të mirë, një e ka vilë, një ka biznes. Ne pamë drejtimin e familjes time. Unë nuk kisha kohë të dilja në protest, se isha në punë", tha banorja.
Ditët e fundit, teksa banorë të Unazës vijojnë të protestojnë, qeveria miratoi edhe vendimin për trajtimin me qira deri në momentin që këta banorë do të përfitojnë nga programet shtetërore të strehimit.
