Pas më tepër se dy orësh nga protesta e opozitës së bashkuar, reagoi zyrtarisht edhe Ministri i Brendshëm, Sandër Lleshaj, nëpërmjet një postimi në Twitter.
Ai u bëri thirrje qytetarëve dhe palëve politike që të distancohen nga veprimet e dhunshme dhe të dëgjojnë zërin e arsyeshëm të ndërkombëtarëve.
“Bëj thirrje gjithë drejtuesve politikë që të distancohen nga dhuna që po ushtrohet ndaj institucioneve të Shqipërisë. Ftoj qytetarët të distancohen nga elementët e dhunshëm. Është me shumë vlerë të dëgjohet zëri i arsyeshëm i miqve të mëdhenj të Shqipërisë. Jo dhuna, por arsyeja na afron drejt Europës së vlerave tona”, shkroi Lleshaj në Twitter.
