Banorët e Astirit thirren në polici: Nuk ndalemi, do bllokojmë rrugën 24 orë - Bota Sot
Banorët e Astirit thirren në polici: Nuk ndalemi, do bllokojmë rrugën 24 orë

Tirana

Banorët e Astirit thirren në polici: Nuk ndalemi, do bllokojmë rrugën 24 orë

Më: 20 mars 2019 Në ora: 17:53
Foto

Banorët e Unazës së Re janë thirrur për tu pyetur në polici, pranë komisariatit nr.6 për bllokimin e rrugës gjatë ditës së djeshme. Banorët bllokuan rrugën për 4 orë, ndryshe nga herët e tjera kur rruga bllokohej për 1 orë të vetme, ndërsa dje i pranishëm ishte dhe kreu demokrat Lulzim Basha. Banorët shprehen se nëse nuk do tërhiqet projekti protestat do përshkallëzohen dhe do bllokohet rruga 24 orë.

Komisariati nr 6 i ka dërguar fletëthirrje për tu pyetur në polici 8 prej banorëve të Unazës së Re, të cilët akuzohen se kanë bllokuar rrugën për 4 orë, ndryshe nga ditët e tjera kur protesta ka zgjatur vetëm një orë.

Banorët e zonës së Astirit kanë protestuar para Komisariatit, pas ndalimit nga policia të 8 prej protestuesve mbrëmjen e djeshme pasi bllokuan rrugën.

Banorët shprehen se protesta ishte e ligjshme dhe kërkojnë anulimin e projektit të Unazës, duke paralajmëruar se nuk do ndalen deri në anulimin e projektit dhe protesta do përshkallëzohen duke bllokuar rrugën për 24 orë.

Dorian Protoduari: Ne nuk ndalojmë nga rruga deri ditën që do të tërhiqet qeveria. Po nuk u tërhoq qeveria do të përshkallëzojmë protestat 24 orë. Do të ngremë dhe çadrat, do të ngujohemi, do të bëjmë dhe grevë urie në Unazë të Re derisa të anulohet projekti.

Një tjetër protestuese thotë se banesat e tyre do prishen kur policia të kalojë mbi trupat e tyre.

Lindita Protoduari: Protesta jonë është e ligjshme. Kur të shkelin mbi trupat e nënave tona, të fëmijëve tanë, atëherë do vijnë të prishin banesat e Unazës së Re.

Banorët e Astirit protestojnë prej rreth 4 muajsh kundër projektit të Unazës që prek banesat e tyre.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...