Astiri prej 5 muajsh në protestë! - Bota Sot
Astiri prej 5 muajsh në protestë!

Tirana

Astiri prej 5 muajsh në protestë!

Më: 10 prill 2019 Në ora: 00:16
Protesta

Protesta më e gjatë në Shqipëri.

“Ne kemi hall. Kemi hall prej së vërteti.”

Janë banorët e Astirit, të cilët prej më shumë se 5 muajsh vijojnë protestën e tyre kundër projektit të Unazës së Re.

Të gjithë drejtohen për në rrugë.

Protesta nis me veshjen e jelekut të verdhë.

“Ky është simboli i Unazës së Re, për banorët e Astirit. Po unë nuk kam qejf t’i them banorët e Astirit, unë jam te Unaza e Re.”

Familja Protoduari, pronat e saj i ka me dokumenta të rregullta, por protestën nuk kanë ndërmend ta ndalojnë.

"Jo 6 muaj që kemi ne, po 6 muaj do të vazhdojmë këtu, po nuk mori ky projekt fund dhe të vejnë para drejtësisë ata që e meritojnë."

Rezistencën e kanë paguar me prangosjen e djalit të tyre, dhe jo vetëm një herë.

"Djali im është për herë të dytë në burg."

Çdo darkë, unaza bllokohet për rreth 60 minuta, ndërsa banorët e Astirit nuk e fshehin dhimbjen.

"Me hallin që na ka ra.  Ja nusja, goca, çunat e mi, të gjithë janë këtu."

Paradoksi me këta banorë vijon.

"Këto nuk e kuptojmë ne. Lali Eri do edhe taksa, edhe të na prishë se s'ka mundësi tjetër. Këtij i duhen edhe lekët edhe të na prishë shtëpitë."

Opozita ka qenë gjithnjë në krah të banorëve.

“Nëse Edi Rama do ta provojë me forcën e pushtetit të tij të inkriminuar, do t’i duhet të përballet me pushtetin e sovranit.” 

Thirrja për kryeministrin vijon, edhe pse shpresat duket se janë shuar.

“Kam një thirrje për kryeministrin. Bëhu njeri. Bëhu prind. Bëhu shqiptar more.

Kjo është luftë, nuk është paqe, një kryeministër nuk mund të bëjë kështu.”

Edhe pse në krah kanë pasur gjithnjë opozitarët sërish ka një thirrje për ta.

“I kërkoj të mos bëhen pjesë e pazareve të pista.”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...