Dy lagje në kryeqytet me rrjet të ri ujësjellësi - Bota Sot
Dy lagje në kryeqytet me rrjet të ri ujësjellësi

Tirana

Dy lagje në kryeqytet me rrjet të ri ujësjellësi

Më: 21 prill 2019 Në ora: 11:25
Tiranë

Banorët e dy rrugëve në kryeqytet nuk do të kenë më probleme me furnizimin me ujë. Ndërmarrja e Ujësjellës-Kanalizimeve ka përfunduar investimin në rrjetin e shpërndarjes në rrugën “Jusuf Vrioni”, një investim nga i cili përfitojnë qindra familje.

Sakaq, në rrugën “Xhanfize Keko” është vënë në funksion të plotë linja e re e ujësjellësit. Ky investim i Bashkisë në këtë zonë të kryeqytetit ka bërë të mundur një kapacitet të shtuar të furnizimit me ujë të pijshëm, si dhe shërbim cilësor për qytetarët.

Gjatë ditëve të fundit, grupet e punës të UKT kanë ndërhyrë edhe në zona të tjera të kryeqytetit, për t’i dhënë zgjidhje çdo problematike të krijuar në çdo cep të Tiranës.

Ndërkohë që UKT ka nisur punën për dyfishimin e kapacitetit filtrues në impiantin e Bovillës, si dhe të shtrimit të linjës së re të furnizimit me ujë që do shërbejë për zonat periferike.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...