Sekretari i Përgjithshëm i NATO-s, Jens Stoltenberg, nesër do të mbërrijë në Tiranë në një vizitë zyrtare të paplanifikuar më parë.
Përpara ndalesës për në Shkup, e cila ishte e planifikuar që më parë në datat 2 dhe 3 qershor, kreu i Aleancës së Atlantikut të Veriut ka vendosur që të bëjë një ndalesë në kryeqytetin shqiptar, vetëm pak orë përpara protestës së radhës së opozitës.
Stoltenberg në vizitën e tij disa orëshe në Tiranë pritet të takohet me presidentin Ilir Meta, ministren e Mbrojtjes, Olta Xhaçka dhe me kryeministrin Edi Rama, me te cilin është planifikuar të zhvillohet dhe një konferencë për shtyp në orën 15:20.
Shefi i NATO-s pritet te japë disa mesazhe te forta lidhur me krizën politike.
