Frekuentuesit në pishina nuk zbatojnë rregullat e vendosura në to, duke u bërë shkak për ndotje dhe përhapjen e infeksioneve. Specialistët e Autoriteti Shëndetësor Rajonal bëjnë apel për më tepër kujdes, pasi mosrespektimi i rregullave është një burim infeksionesh.
Rreth 60% e pishinave në Tiranë janë monitoruar nga Autoriteti Shëndetësor Rajonal.
Pjesa më e madhe e tyre kanë rezultuar brenda kritereve të vendosura, ndërsa shqetësim mbetet mos zbatimi i rregullave të pishinave nga frekuentuesit.
Sipas specialistit, Gimjan Dokle, mosrespektimi i këtyre rregullave higjienike sjell edhe shqetësime shëndetësore.
Gimjan Dokle: Pasojat më të dukshme janë irritimi i lëkurës, sidomos te zona e pishinave të fëmijëve, dhe sklerat te sytë.
Monitorimet në pishina do të vijojnë përgjatë sezonit të verës.