Shqiptarët festojnë Kurban Bajramin, pamje nga falja në Tiranë - Bota Sot
Shqiptarët festojnë Kurban Bajramin, pamje nga falja në Tiranë

Tirana

Shqiptarët festojnë Kurban Bajramin, pamje nga falja në Tiranë

Më: 11 gusht 2019 Në ora: 09:03
Pamje nga falja në Tiranë

Mijëra besimtarë myslimanë në mbarë botën festojnë sot Kurban Bajramin.

Besimtarët shqiptarë kanë falur në orët e para të mëngjesit festën e Kurban Bajramit në Sheshin ‘Skënderbej’.

Besimtarët iu drejtuan Zotit me lutje për më shumë paqe dhe harmoni.

Image

Në mesazhin e tij para qytetarëve, kryetari i Komunitetit Mysliman të Shqipërisë, Bujar Spahiu u shpreh se simbolika e kësaj dite është kurbani, si shenjë mirënjohjeje ndaj Allahut.

‘Allahut i intereson devotshmëria jonë. Te Allahu nuk arrin as mishi dhe as gjaku i Kurbanit, por bindja ndaj tij. Sot në këtë ditë besimi Bajrami. Dëshmia e sakrificës na bën që ti jemi Zotit mirënjohës.

Image

Kjo na nxit të jemi gjithmonë të gatshëm dhe të bëjmë sakrifica për fe dhe atdhe. Kurbani do të thotë afrim të njeriut me krijuesin. Njerëzit nuk duhet t’i ndërpresin shpresat te Allahu’, tha ai ndër të tjera.

Festa e Kurban Bajramit është një nga dy festat më të rëndësishme të besimtarëve muslimanë: Fiter Bajramin dhe Kurban Bajramin.

Image

Kjo e fundit, sipas traditës islame, nderon gatishmërinë e Ibrahimit të flijojë djalin e tij, Ismailin, si vepër e nënshtrimit ndaj urdhrit të Zotit, para se Zoti të ndërhyjë, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë.

Emërtimi ‘Kurban Bajrami’ në gjuhën shqipe është huazim nga turqishtja – Kurban Bayramë, që do të thotë ‘Festa e Flijimit’.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...