“Krishtlindja e Tiranës” zbret në sheshin “Skënderbej”, koncert me veprat më të bukura të muzikës

Tirana

“Krishtlindja e Tiranës” zbret në sheshin “Skënderbej”, koncert me veprat më të bukura të muzikës

Më: 24 dhjetor 2019 Në ora: 00:49
“Krishtlindja e Tiranës”

“Krishtlindja e Tiranës sonë” do të zbresë mbrëmjen e së martë në sheshin “Skënderbej” në vigjilje të kësaj Krishtlindje, njofton bashkia e Tiranës.

Me soliste Vikena Kamenicën, orkestra filarmonike e Universitetit të Arteve “Ibrahim Madhi” do të sjellë disa ore festive dhe argëtuese për qytetarët e Tiranës, por edhe vizitorët e shumë nga brenda dhe jashtë vendit, të cilët kanë zgjedhur kryeqytetin për të kaluar këto festa të fundvitit.

Nën dirigjimin e Gridi Krajas, për të pranishmit do të interpretohen veprat më të bukura të muzikës shqiptare dhe botërore klasike. Në këtë vigjilje Krishtlindjesh, programin muzikor të koncertit festiv do t’i bashkohet edhe Kastriot Tusha, për t’i dhënë sa më shumë ngjyra aktivitetit.

Për ta kthyer këtë mbrëmje në një moment vërtet festiv dhe të paharrueshëm, Bashkia e Tiranës fton qytetarët e saj në sheshin “Skënderbej”, për ta shijuar së bashku këtë vigjilje Krishtlindjesh dhe për të festuar në shoqërinë e njëri-tjetrit.

Image
commentFirst article
Sot mund të lexoni Shfletoni kopertinat